ابقى افتكرنى
ابقى افتكرنى بكل كلمة قولتها
وابقى افتكرنى بكل قصة كتبتها
كل الكلام الحلو قولته عنها
كل المشاعر طالعة تنده اسمها
ابقى افتكرنى ابقى افتكرنى
حبيت زمان والحب نادر الوجود
فرشت ليها الجناين والورود
رسمت قلب وفيه كتبت حبنا
زرعت ضحكة وابتسامة فى قلبنا
ابقى افتكرلى اى حاجة عننا
ابقى افتكرنى ابقى افتكرنى
فاكر زمان لما ندهتك فى المنام
عدت سنين من يومها ولا عارف انام
بسهر ليالى بشكى حالى للنجوم
وبعد شوقى فى السحاب وفى الغيوم
مش قادر انسى لما اشوف ضى القمر
فوق سقف بيتنا فى الليالى والسمر
بشوف عيونك جوه ضيه فى السهر
اه لو تحس بجرح قلبى الى انصهر
ابقى افتكرنى وانت ماشى فى السفر
جوايا صرخة نفسى اقولها بأعلى صوت
جوايا دمعة تنزف الدمع فى بحور
جوايا رجة لو تهز جبال تثور
رغم الى فيا انت نقطة ضعف ليا
عايش حياتى بقوة تانية مختفية
لما بشوفك ينزف الخوف من عنيا
ابقى افتكرلى كل كلمة حلوة ليا
لو يوم سمعت عن رحيلى اسئل عليا
عنوانى واضح فى قصائد من ايديا
ابقى افتكرنى يا نور حياتى وعينيا
انت ايمانى وثقتى الغالية الى فيا
ابقى افتكرنى ابقى افتكرنى
ادخل ودوس ليك وشاركنا برأيك فى بيدج أحلام على الوريق
https://www.facebook.com/5oater
تعليقات
إرسال تعليق