بكتاباتى هويت

فى كتابة احلامى هويت

ارسم نجمة فوق البيت

بتفنن فى كتابة شعرى

وبحكى عن حالى حواديت

نفسى اعرف هقدر اتكلم

واوصف حبى بالكلمات

ولا نهايتى فى الابيات

طول عمرى بكتم وبخبى

طول عمرى تايه وفى حيرة

وقت ما قولت انى اوصف حبى

رسمت كلامى على ورق الحيط

بدأت قصة جديدة فى عمرى

حرفة جديدة ما كت فى خيالى

حرفة هويتها عشان انسان

مقدرتش اوصل لمشاعره

كتبت كتير وكتير كتبولى

قالو انى بكتب بشعورى

وشعورى كان اجمل شىء

كان نفسى تكون هى مرايتى

تقرا كلامى وتنقد شعرى

وتحس انى فى شعرى هويت

بتفنن فى رسوم كتاباتى

مين بيحس بكل اهاتى

لو كت هى محستنيش

كل مشاعرى كانت ليها

وسعات وانا بكتب بداريها

خوفى انى اكون حمل عليها

علشان كده بكلامى مليت

مش قادر امنع احساسى

ولا قادر ابطل كتاباتى

كل الى فى ايدى اوراقى

بفضفض فيها وبشكى اهاتى

نفسى ابطل اكتب تانى

مش عارف ازاى ومنين

فى كتابة احلامى بكيت

كل كلامى كان احزانى

حتى سكاتى بان فيه كلامى

مش قادر امنع اقلامى

من كتابات كل احلامى

اسبابى انى بكتاباتى هويت

ادخل ودوس ليك وشاركنا برأيك فى  بيدج أحلام على الوريق 

https://www.facebook.com/5oater