بهرب
بهرب منه لما بقبله خايف احب
لما عيونى بتلمح صورته يدق القلب
خايف اعيش انا قصة جديد واحب بجد
تتكرر مأسة الماضى واعيش الوهم
حبيت مرة حب حقيقى صادق وبجد
كان احساسى كله مشاعر فوق الوصف
ليه انا اكرر نفسى الماضى واموت مـ الحب
كل ما قبله اهرب منه علشان مقدرش
كل ما احس الحب بيكبر بنساه ومقولش
نفس القصة بترجع تانى بشكل جديد
لكن قلبى بيمنع نفسه يسرح لبعيد
مش عارف ده هروب م الماضى ولا بجد
بهرب كل ما افكر انى مقدرش احب
مات احساسى جوه فى قلبى وضاع الوقت
مش عايز اتألم تانى واحلم بخيال
انا مين علشان يبادلنى نفس الاحساس
اذا كان الحب الاول باع ببلاش
رغم ان مكانه فى قلبى متصان ومامات
كان الهامى الى بيتفسر فى الكلمات
كانت جوه كل قصيدة والابيات
عايز تانى يا قلبى تحب بطل اوهام
انت يا قلبى عاجز حتى انك تتحب
اذاى تحلم بالالوان وانت ما بتشوفش
حتى البحر بتهرب منه علشان متعومش
انسى يا قلبى اى مشاعر كت فى القلب
اوعى تفكر انك حتى فى يوم هتحب
عيش الدنيا بوجه جديد مخلوط بالكدب
فسر كل كلامك انه ده خيال فى الشعر
اوعى تفكر ان كلامك هيدوب قلب
كنت زمان خليته يحبك ويصون الحب
عيش ايامك زى ما هى سيبها للحظ
بكره هيجى زى ما يجى خلاص متفرئش
اذا كان قلبك دق بسببه ده نبض الدم
واذا كنت بتهرب من عينه ده هروب م الحب
فوق م الماضى وفوق م الحاضر خليك بالعقل
اصعب شىء انك تتهرب من شىء فى القلب
انسى الاول وانسى التانى وبطل تتشد
جمد قلبك وافضل اهرب من كلمة حب
ادخل ودوس ليك وشاركنا برأيك فى بيدج أحلام على الوريق
تعليقات
إرسال تعليق