كلام ما بيأكلش عيش

نكتب كلام فاضى ما بيأكلش عيش
------------
و نبكى على الماضى ولا البكى بيعيد
------------
سنين و انا راضى وصبرى باله طويل
------------
بعند واقول حظى وحظى خالى الايد
------------
مبتأمرش على بختى لكنى فى حلمى عنيد
------------
مدام انا قلبى بينبض مش هبطل اكتب حواديت
------------
ديه حروفى فيها سعادتى الى نفسى يوم تقيد
------------
بكتب بأحساسى كلام من القلب طبيب
------------
مش مبدع لكن كلامى اكيد هيصيب
------------
دور فى اوراقى هتلاقى انى فى حبى اسير
------------
مسجون فى اشعارى لكن بأشعارى امير
------------
ماضيا كان مؤلم ومين ماضيه كان سعيد
------------
اسمى فى سعادتى لكنى فى قلبى حزين
------------
نكتب ولا نخبى ونغنى مع المواويل
------------
ونقول يا ليل ونقول يا عين وحكم بتفيد
------------
تشرحنا ابياتنا تشكلنا اوجاعنا ونرجع تانى نعيد
------------
عنواين بنكتبها وسطور نسطرها ونعيد ونذيد
------------
كلامنا يجرحنا ويجرح احبابنا لكنه فى القلب قريب
------------
وسعات بيسعدنا يداوينا ويفرحنا ويقرب البعيد
------------
كلامى مش الغاز ديه صراحة مــ الاحساس
------------
بدايتى كت قصة والقصة كت غنوة تتغنى للمجاريح
------------
متعشم انا فى بكره ويا مين يعيش لبكره ده الموت بيجى تخاطيف
------------
لاخر لحظة انا فى عمرى هغنى واكتب اغانيا واحكى حواديت