رسايل حبى محفوظة

-

رسايل حبى محفوظة

وجوه القلب موجودة

زمان عدى عليها سنين

بتبكى الدمع جوه العين

وعايشة فراقها مكتومة

فى صمت جحيم ومحرومة

بخبيها ليوم فرحة

واداريها ومعدومة

وبحرقها فى ايامى

وغصب عنى بقتلها

وبنساها وبستسلم

رسايل عمرى مكتوبة

بدمى حلال ومرسومة

بخبيها ليوم يجى

وابعتها لصاحبها

وصاحبها بينسانى

حرق قلبى وجافنى

وطير نومة من عينى

قولولى يا ناس مين الغلطان

سارقنى الحلم وعمانى

وقولت هيجى يوم ليا

واشوف الحلم بعنية

وارسم بسمة طبيعية

واهديها امانية

واخطفها فى يوم سعدى

واغنلها بصوت وردى

واحكيلها حكاياتى

رسايل صعبة على قلبى

كتبت الاهة ايه ذنبى

بحب وعمرى ما نسيتها

ديه ساكنة فى قلبى وعنية

رسالة كت من الماضى

وكنت نويت اراسلها

لكنى لا كنت متأكد

وخوفى منعنى اصارحها

الصدمة فى قلبى موجودة

وتكررها هيقتلنى

ووجه مقارنة مقبلهوش

وبكره هيثبت احساسى

انا ببنى ومش هدام

كفاحى عظيم ومتسجل

وتعبى عمره ما يوم هيضيع

هيجى نصيبى ويستاهله

وهيحافظ على قلبى

رسايل قلبى محفوظة

وجوه القلب متصانة

وعمرى فى يوم ما هنساها 
ادخل ودوس ليك وشاركنا برأيك فى  بيدج أحلام على الوريق 

 https://www.facebook.com/5oater

تعليقات

إرسال تعليق

المشاركات الشائعة من هذه المدونة

محتار أنا !!!

-
صورة
احتارت أشكى واحتارت أحكى  وكأنى وحدى !! الحيرة مرة والحب حاجة  ما بتتوصفشى!! مبقتش عارف مين اللى جوه  عايش فى قلبى!! كل لما اقابله بشوف فى عينه حاجة شدانى !! ودموع فى قلبى جايه  ورايا شايلانى !! حاسس بفرحة وحزن جوه قلبى بيعانى !! نفسى أغنى بصوتى ليها  وأقولها كلامى !! بس اعمل ايه مبقتش عارف مين اللى وخدانى؟؟  جوايا نبض القلب بيقولى  بلاش الحب من تانى !! فين الطريق اللى يظلل عمرى وفيه احس  بأمانى !! طب اعمل ايه دى الحيرة صعبة  ومين هى الهامى ؟؟ شوفت ابتسامة طالة منها   حسيت بوجدانى !! كأن بعد ما دبلت الزرعة روتها  بالحنان وسقتلى بستانى !! شمعة فى ايدى رجعت تنور  طريق لأحلامى !! بس الحكاية مش غنوة حلوة  ديه فيها احزانى !! خايف احبه وادوب فى حبه  الحب ده انانى  !! عودت قلبى على الفراق وانسى اللى ينسانى !! محتار قوى ومبقتش اشوف غير طيفها قدامى !!  احتارت اشكى واحتارت احكى  وكأنى وحدانى !! ...
قراءة المزيد

دايرة مقفولة

-
صورة
 جوه الأحداث المتشابكة الغاز وحوارى وتعابين  بنلف في دايرة مقفولة زى الفار المحطوط في كمين من صنع و خبث البنى ادمين  برجع بشريط الايام  افتكر اللى خسرته طفولتى  وقتها عمرى ما قلبى اتخان وحبيت الوحدة من صغرى   يمكن من رهف الإحساس  خلانى  بالخوف  ضليت  او يمكن موت ابويا فجأة  خلالى ظهرى مكشوف للناس  وخدعنى كابوسهم وسهيت .. قربت شوية بشوية  ولقتنى بسرعة اتشديت  بيقولو اللى يحب لا يكره على عينى غشاوة فعميت من دايرة لدايرة وانا ماشى  سلمت نفسى لاحساسى  ومن ظلم الناس ياما قسيت جوه الاحلام كان في كابوس  الخلق جعانة وبتدوس  على اقرب ناس كانت ليها  جوه الأيام كان في دروس  السهم الغادر بالبوص هيصيبك من خلق شاريها جوه الاحداث المتشابكة  الغاز وحوارى وتعابين  والدايرة لو كت مقفولة  انا خارج منها ومش ندمان  ولا حتى حزين ...
قراءة المزيد

اسرار البحر

-
صورة
فى قلب الميه اسرار وفوق الصخرة اشعار هموم الخلق متحاشة فى قلب الميه متشافه وموج البحر مش صافى  وقالب وشه على المكشوف سعات البحر عكس الشوف  ووسط الميه غدر وخوف وليه الخلق بتعانى من الوحدة  وبتعانى فى وسط الناس قناعة قلبنا سحلة  ورافضة تعيش بدون احساس ما بين اليوم وبين بكره غراب طاير فوق البساتين  بينهش كل ما يقرب بيجرح طرف منقاره  ورود فى الطين سحابة يومنا هتعدى  جراح القلب بتودى على المجهول ودايرة بكره بتعيد اللى فاته الدور  متزعلش انه مش شايفك  ومش قادر يكون جمبك  سعات القطر بيفوت محطاته  بدون ما يزور  بيشكى همومه للميه  وامله الميه يوم تداويه  فى قلب الميه اسرارها  وزاد فى صخورها سر خفيه
قراءة المزيد