يا طير فى السما
يا طير فى السما
بلغ سلامنا للى فى قلبنا
قوله طاير بعيد وسايبنى هنا
وحيد شارد بدور على الهنا
نجوم الليل بتبلغك كلامى انا
سهران فى الليالى وبدور عن حبنا
يا طير يا متغرب طيرت كل حلمنا
هترجع تانى تضلل على اخر امل لنا
ولا خلاص راحت امالنا واتبقى حزننا
طير يا غالى لو السما احلى من عشنا
على قد حالنا وهو ده بختنا
نفسى اسمع تغريدك ونفسى اسمع الغنى
يا طير يا مهاجر افتكر ان انت غالى عندنا
الفراق ده نار بتولع فى قلبنا
بس عادى وخلاص اتعودنا نكون وحدنا
الذنب مش ذنبك لكن هو ده حظنا
نسهر وندور عليك وسط نجوم السما
نحلم نكون جمبك حتى ولو كان خيال ووهمنا
نحلم نطول السما ونمسك نجوم فى الفضا
توهنا وحدنا ومش عارفين طريق لينا
الزمن غدار حتى ولو كان الحقيقة هى حبنا
طير يا طير كفاية اشوفك هنا او هنا
حتى ولو كان الفاضل فى حبنا مجرد حلمنا
تعليقات
إرسال تعليق